logo

حوار مع النفس ... !!!

كتب: نافذة مصر البلد - 2019-05-09 16:25:27

بقلم ..

نيفين ابراهيم

 

حوار مع النفس أحيانا يكون بداخلنا أوجاع مدينه ولكن نبتسم رغم الوجع رغم الشقاء رغم العناء رغم ضغوط الحياه

ولا أحد يعرف ما بداخلنا إلا الله .. في زمن أصبحت الشكوي لغير الله مذله في زمن أصبح الصديق عمله نادره اذا وجد

 أصبحنا في زمن قلوب البشر كالحجر

فحوار النفس مع النفس ارحم من شفقة البشر الذي لا يعلم نفوسهم إلا الله

 

 مالك يا نفسي؟!

حساكي متغيرة ؛ فيكي ايه ؟!

- فيا وجع محدش يقدر يتحمله غيري

 وجع ايه ده ؟!

احكيلي ..

- تصدقيني لو قولتلك مش عارفة !

أنا لما ببكي مببقاش عارفة ببكي على أنهي وجع ، وأنهي كسرة اتكسرتها ؟

مببقاش عارفة ببكي على ايه ولا ايه ولا ايه

مببقاش عارفة أنا ببكي على الناس ولا علي نفسي ؟!

 يبكي علي الزمن ولا ع البشر

 ورغم كل ده مبتبكيش؟!

- أقولك على حاجة ..

أنا بتوصل بيا ساعات اني هتتجنن علشان بس أبكي ، بيبقي نفسي أرتاح ، الدموع ضعف بيجيب قوة ، وأنا ببقي محتاجة القوة دي ؛ بس للأسف .. مع كل صدمة عينيا دمعها بيجف ، وقلبي بيموت منه شئ ، وروحي بتضعف .

 

 اللي يشوفك يحسبك قوية .

- الصدمة بتعمل حاجتين .. بتدي لصاحبها ضعف ؛ وبتدي للناس انطباع كداب بالقوة ؛ وبتخلي صاحبها يحاول يصدقه عشان ميصعبش على الناس .

 

 مبتحكيش ليه ؟!

 وهحكي ليه ولمين؟!

علشان اسمع معلش ؟!

ولا علشان ألاقي حد بيطبطب عليا شفقة ؟!

ولا علشان احكي ومحدش يسمع ؟!

ولا علشان أتعشم وف الاخر الاقي الوجع زاد مقلش ؟!

 

 بس كدة حرام عليكي نفسك !

 الحرام بجد هو اللي الناس بيعملوه .

مش بيراعوا غيرهم ، مش بيحسوا بوجع حد ، والاغرب بقي اللي من دمك ودول أكبر وجع وصدمه بتيجي منهم

واللي تحبه من قلبك  عمره محبك اصلا وزود قلبك بالوجع

تعبت بجد ويقولوا طيب في زمن بيسموا الطيبه عبط ياريت بس على قد كدة ؛ دول كمان مش بيسيبوا حد ف حاله .

الناس الطيبة تروح فين ؟!

الناس اللي بتدي ومبتعملش حساب لوجع الدنيا ، تعمل ايه ؟!

الناس اللي عمالين يدوا ولا عمرهم أخدوا ف يوم ، يحسوا بايه ؟!

الناس اللي تعبت من كلمة الااااااااه

الناس اللي حياتهم اصبحت تنهيده

الناس اللي بيحبوا بجد ، بيتجرحوا بغدر

 ايييييه يا بنتي رحتي فين ؟!

مقولتليش مالك ؟! حساكي متغيرة ؛ فيكي ايه ؟!

مالي علي الله

- معلش سرحت شوية .

سرحت وتخيلت إني بطير لفوق عند السحاب بعيد عن البشر وقسوة قلوبهم اللي تعبت منها بطير ومش عاوزه انزل تأتي

ياااااااه كل دا متحملاه جوه قلبك

لأ لأ متخديش في بالك

الحمد لله أنا بخير متقلقيش .

كنت بس بحلم بدنيا غير الدنيا

دنيا كلها سلام وأمان بس يا خساره بعد مقربت اوصلها

صحيت من الحلم ...

 


قصة بقلم  دكتور / وائل محمد رضا… اقرأ المزيد

أحلم وأتمني

بقلم .. نيفين إبراهيم   وجع الروح… اقرأ المزيد

وجع روح.... !!!

د.بشير عبد الله على أرى المخلصين في… اقرأ المزيد

المخلصين في الأعمال

      إليكم قصيدة نظمها د… اقرأ المزيد

عودًا حميدًا يا إمام

د / بشير عبد الله علي.  … اقرأ المزيد

يمم وجهك الأزهر

عاطف عبد العظيم المنشاوى   ولما ضاق… اقرأ المزيد

الهروب

بقلم: سامية عابدين   هنا على مقربة… اقرأ المزيد

سيدة بنكهة الجنة..

 Tweets by masrelbalad