logo

نصائح ذهبية لطلاب الثانوية العامة

كتب: نافذة مصر البلد - 2018-04-20 20:43:39

يقدمها

احمد سلام خبير الفلسفة وعلم النفس بطنطا

نصائح ذهبية للمذاكرة الفعالة و التركيز فى 6 نقاط   :

 

1 – قراءة الدرس مرة واحدة بسرعة اوى .. قراءة جرايد .. يعنى بسرعة و أكون فاهم أنا بقرأ ايه كدة أنا عرفت الدرس بيتكلم عن ايه و لميته كله ف دماغى

 

2- استخدم استراتيجية الخريطة الذهنية ، تجيب ورقة و تكتب فيها العنوان الرئيسي و تفرع منه كذا سهم ، كل سهم عبارة عن عنوان فرعى ،،،، و كذلك كل عنوان فرعى تقسمه الى عناوين أصغر ___ و بكدة أنت لميت الدرس كله في ورقة واحدةو ع فكرة معظم المدرسين بيستخدموا الطريقة عشان يلموا الدرس و هما بيذاكروه

 

3- لما تلاقي نفسك بتذاكر بصوت واطى و لقيت نفسك سرحت و بدأت تفكر ف حاجات غير المذاكرة ،،، الحل إنك تعلي صوتك و أنت بتذاكر  و إنك تشغل حواسك كلها معاك و أنت بتذاكر تشرح لنفسك .. تحرك ايدك و أنت بتشرح … تحس كدة ان فيه حيوية و أنت قاعد على المكتب … مش قاعد بتقرا الكلمة في نص ساعة  تذاكر بسرعة و بصوت عالي ، تفكيرك ف اللى قدامك بس ، تحرك جسمك و انت بتشرح .. تحرك ايدك .. تذاكر بحيوية كدة … حسسنى انك عااايش ها ^ ^

 

4- و انا بذاكر الحاجة اللى قدامى اشوف ايه الحاجة المهمة او انى بقارنها او بتلخبط بين حاجتين اكتبها في ورقة و الحاجة اللى بتلخبط فيها اعلمها و مسيبهاش الا و انا مظبطها ، اى حاجة تخرج من ايدك تكون باتقان شديد

 

5- تستخدم في مذاكرتك ألوان فسفور ، كدة أنت بتفتكر الصفحة مطبوعة ق الامتحان بالالوان اللى انت عاملها بايدك ، بجد طريقة جامدة ، انا عن نفسي كنت بحب اعلم العناوين الرئيسية بلون ازرق مثلا … لو لقيت سؤال علل ف الشرح .. الون السؤال باللون الاحمر … الامثلة كنت بعملها باللون البرتقالى …. الملحوظات او الكلمات اللى بتيجي اختيارات او صحح الغلط و بيلعب بيها بالامتحان بالاخضر ..و بقا الاصفر كان الاجابات بتاعت ال علل او اى حتة مهمة بتتحفظ صم

 

6- هتحل زى ما قلنا قبل كدة :

 

✔ كتاب مدرسة .

 

✔ الدليل .

 

✔ الكتاب الخارجي .

 

✔ الامتحانات السابقة .

 

كدة انت قسمت الدرس على اجزاء اقل و مسكت كل جزء و أتقنته بعد كدة حليت التركات بتاعت الامتحان و مريت ع كل الافكار.

 


 Tweets by masrelbalad