logo

باحلم أكون

كتب: نافذة مصر البلد - 2018-01-21 21:37:59

قصيدة _هناء عوض

 

">http://

 

باحلم أكون ، و الحلم حقيقة بكرة مش خيال و جنون 

باحلم بماضي ..و حاضر .. كان نفسي أكون !!!

في الصيف أكون حبة رمل ساحلية ...
و في الشتا حنة أسوانلية !!!
مركب بشراع في رخلة نيلية ...
او سمكة جوة شبكة رشيدية 
في الفيوم انا ساقية شقية 
باحلم اكووون ...
و في البحر اﻷحمر شعاب مرجانية ...
و في المتوسط موجة تيركوازية 
اكون في القناة حتى معدية 
يوم في السويس و يوم اسمعالاوية ...
باحلم اكون فنار منور 
نفسي أجري على كوبري استانلي 
و احضن مكتبة اسكندرية ...
و صخرة في بحري مندية 
بموجة رايحة ... و موجة جاية ....
و مطروح و عجيبة بتقولي 
تعالي لسحري هنا شوية ..
كان نفسي أكون 
باحلم اكون كمان قطعة مشبك دمياطية 
و فخر الصناعة الخشبية 
باحلم اكون ... قطعة فنية نسجية من روائع الحرانية 
و مأذنة في احد المساجد الفاطمية 
او باب مشغول بنحاس من البيوت المملوكية ...
باحلم اكون لمحة بيضاء نقية جليدية 
من سانت كاترين المصرية 
و كمان نفسي اكوون
عمود في الجامع الازهر !!!
مش اي عمود انا ...
انا الأشهررر
عمود الامام محمد عبده ... رائد الفكر المنور ...
باحلم اكون شارع المعز لدين الله 
خان الخليلي و الابداع جواه
مشغولة ذهبية مرصعة او فضية مطعمة
او صدفية و لا عاجية ... كله كله ابداع المصراوية 
باحلم اكون 
قطعة قماش سمراوية ... مش اي قماش هيه 
مزينة بخيوط فضية و ذهبية 
كسوة الكعبة ... بشرط يشغلوني تاني المصراوية 
باحلم اكون سما صاقية زرقاوية 
ازين بلدي في الصور الفوتوغرافية 
و اتكلم باسمها في اللوحات الفنية 
و احتضن علم بلدي بقوة و حماسية 
و هو عالى و مرفوع رمز للحرية 
باحب بلدي يا ناس بجنون 
باحلم اكون ...و لسة نفسي ...اكون و اكون !!!
حبيبتي يا مصر 


 Tweets by masrelbalad