logo

رسالة رانيا حافظ * للمخطوبين *

كتب: سوهاج:عمار علي - 2017-11-11 00:12:05

بقلم / رانيا حافظ

(( رسالة أو أمنية أو رجاء )) للمخطوبين وخصوصا البنت فترة الخطوبة دي علشان تدرسوا بعض وتعرفوا بعض أكتر مش معناها حتكمل بالجواز ممكن اه وممكن لا علشان كده بقولك حافظي علي نفسك كويس قوي وصوني نفسك وعيلتك اللي واثقه فيكي (( خطيبك مش جوزك )) خطيبك في الدين يعني أجنبي شخص غريب ملوش الحق في أي حاجة فيكي خالص مهما يقولك انتي مراتي انتي مش واثقه فيا ويحاول يزينلك ويحللك الحرام زي الشيطان لما بيزين الحرام للانسان .

 

أوعي تضعفي وخليكي قريبة من ربنا يقويكي ومتحطيش نفسك في موقف ضعف ومش معني انك تعملي كل حاجة غلط مع المحافظة علي عذريتك يبقي انتي كده مغلطيش لا الغط مبيتجزأش الغلط غلط وصدقيني انتي اللي حتخسري في النهاية هو مش حيخسر حاجة وفي الاخر حيسيبك لانه أخد اللي عاوزة منك خلاص حيتجوزك ليه خليكي غالية صعبة المنال زي الجوهرة علشان يعرف قيمتك كويس ويتمسك بيكي لانك محترمة وبتخافي ربنا وصاينه نفسك

 

(( الخطيب)) اتقي الله فيها حافظ عليها صونها حتي من نفسك ونفسها أنت الراجل أنت الاقوي بعقلك علشان ربنا يكرمكم ويتممها علي خير لو نيتك خير وقلبك سليم .


 Tweets by masrelbalad