logo

حسيت بحياتك يا إنسان ؟

كتب: نافذة مصر البلد - 2017-06-19 01:46:04

شعر

طلعت عسيلى

 

ألوان ألوان

و جمال فتان

بساتين و زهور

بتفوح منها روايح و عطور

و فراش و طيور

على أشكالها و على ألوانها

بتطير طيران

على أغصانها

بتميل ميلان

ﻻ هاممها مكان

و ﻻ حتى زمان

ﻻ شاغلها العقل

بكنا و كان

ولا كنت جماد

ولا كنت حوان

 

 

لكن أسعد منك يا إنسان

ربى خلقنى و بيرزقنى

من نبت اﻷرض

و حَب الزرع

ﻻ بفكر تييجى اللقمه منين

و ﻻ إمتى و فين

من غير باسبور

و ﻻ إذن عبور

باقدر أعدى

و اقدر أهدى

أهجر أوطان

و أزور أوطان

ﻻ معايا زادى

و ﻻ زوادى

و ﻻ شايل تقل على كتافى

حسيت بحياتك يا إنسان ؟

 

 

 

الخير موجود

و مالهوش حدود

و يكفى الخلق بإذن الله

لو كل الخلق بحق الله

أخدوا اللى يزيد

و سابوا اللى يفيض

ﻻ مجاعه تكون

ﻻ لسود و ﻻ بيض

بس اﻹنسان

جواه شيطان

خلاه طمعان

من عهد قابيل

و شقيقه هابيل

لو كل الخلق يعيشوا فى وئام

ينهوا حروبهم و يعيشوا فسلام

تبقى الدنيا لجميع الخلق

ألوان ألوان

و جمال فتان

 



اترك تعليقاً

Tweets by masrelbalad